كور الباشميل لذيذه مره بالصور

كور باشميل لذيذه مره بالصور

تجيبين قدر وتحطين فيه كوبين ماء و3ملاعق متروسه حليب بودره و3 ملاعق متروسه طحين ابيض وملعقه كبيره نشا وتضيفين مكعب ماجي وفلفل اسود والملح حسب الرغبه الي يبي يضيف تخلطينهم بالخباطه او السلك مال الخفق وتحركين السلك والقدر على النار لما يثقل الخليط كأنج تسوين باشميل

تركيه على جنب يبرد وجهزي الخضار

في مقلاة حمسي بصل حتى يذبل وضيفي له كوب صغير من الخضار الجاهز المجمد بس يكون مسلوق اشوي احسن واطرى وبصل اخضر مفروم

ضيفيه على البصل وحمسي واشوي ذره وممكن تضيفين قطع صدور دجاج مفرووووم مكعبات صغيره ويحمس مع الخضار والشوي فلفل اسود ورشه ملح

خلطي الخضار مع الباشميل وبردي الخلطه تماما قبل الشغل

بعدين ضيفي جبن شدر نص كوب او مزرولا بس يفضل يكون الخليط باااااااااااااارد

وهذه صورة الخليط

http://up.hawaaworld.com/up/sites/up.hawaaworld.com/files/links/27f5f9280a2fd1bbfad2e9dcfdf79519.jpeg

الحين شكلي الباشميل لاقراص سميكه او كور حسب الرغبه

غمسي كل قرص بالبيض وممكن تضيفي كزبره مفرومه خضره مع البيض

بعدين غمسي بالبقصمات

وممكن تفرزيها في صينيه مفرشه بكيس نايلون بعدين تفرغينها بكيس بعد ماتجمد الاقراص

http://up.hawaaworld.com/up/sites/up.hawaaworld.com/files/links/7e698b41d74bc920d67fdc5efa460ef8.jpeg

انا ماجمدتها بس بردتها بالفريزر وبعدين قليتها بس الاحسن تكون جامده اشوي

واقليها في زيت حامي وغزير على نار واطيه ومن الفضل تجميدها قبل القلي احسن عشان ماتتفكك معاج

وشوفوها اشلون مقرمشه ولذيذه

وشوفو اشلون من داخل وااااااااااااااو تبارك الرحمن

http://up.hawaaworld.com/up/sites/up.hawaaworld.com/files/links/570eb950f876273b6965d84da65037b4.jpeg

» .. الاذكار بالصور‏ ..
» الحصبة بالصور
» بيتزا غير شكل بالصور
» أروع الحلويات بالصور
» كعكة الشيكولاطة بالصور