مصر اللى ف خيالى

مصر اللى ف خيالى
صحيت ف يوم من وسط عيالى ** لقيت جنه ف النهار واليالى
لقيت مصر اللى ف خيالى ** لقيت المصرى فيها غالى
واتهد فيها كل سور عالى ** لافيها رشيد ولافيها غالى
مصر اللى ف خيالى
ولافيه حاجه اسمها قانون طوارىء ** ولاكلبشنا فلان ف ظرف طارىء
وف سجوننا بس ياقاتل ياسارق ** او بياع سم ابيض ف الشوارع
او ناهب قرض حرامى بارع ** مصر اللى ف خيالى
والحكومه لاهى لعبيد ولا لنظيف ** ديه حكومه نبض مصرى شريف
قبل ما تخطط للمترو توكلنا الرغيف ** و تنسينا شعار " نام خفيف "
مصر اللى ف خيالى
كترت فيها الاحزاب ** من غير خوف ولا ارهاب
واتفتحت لينا كل الابواب ** لكل رأى ومقال وكتاب
وبنتكلم كلنا من غير حساب ** ونفضح ف كل فاسد كداب
ونسمع من بعض الغلط والصواب ** وبعدها نقعد مع بعض قعده عتاب
مصر اللى ف خيالى
والجيش فى جيش قوه وسلام *** جيش صاحى ما بينام
جيش نسور مش شويه حمام *** جيش على العادى هدام
جيش عارف خطوته لقدام *** بقلب صادق عربى هزام
مصر اللى ف خيالى ** ولقيت فيها حريه
المرادى بجد حقيقيه *** مش مجرد شعار او صوريه
وشعارها :
تحيا الكلمه المصريه
مصر اللى ف خيالى
والريس ....
راجل من قلب الشعب مصرى فعلا يتحب
بمرتبه عايش من غير نهب
ولا عنده 500 مصنع لعياله ولا الملك عمره جه ف باله
وخايف لاحد ينام من غير عشا وبده ينزل لشعبه يهريه دردشه
ويشاركهم وقت الحزن والفرفشه
ويفتح لينا المصانع ويشجع فيها الصنايع
بلى مجانيه تعليم كدابه علمت الكسل والبطاله
وخلت الزراعه مش شغاله وخريجين قاعدين جنب الزباله
اخر ما غلبوا طلعوا ع السقاله او سافروا لايطاليا ووصلوا ف نقاله
او صبيان توصيل ف محل بقاله او ف ميكروباص شغال دلاله
او لشويه عربيات شغال غساله او قاعد جنب امه وصعبان عليها الحاله
مش بالذمه تبقى مجانيه تعليم كدابه ومضحوك بيها على شويه غلابه
مصر اللى ف خيالى

ربنا يحقق لمصر اللي في خيالك واحلامك
كلنا نحلم بمصر العظيمة مزدهرة راقية خالية من كل ما يكدرها
وكلنا نحلم بأوطاننا تخرج من الأزمات التي تتخبط فيها
فيا رب حقق لنا كل ذلك برحمتك يا ارحم الراحمين
قولوا : آمين ودمتم بخير

مصر اللى ف خيالى 705613