الكشري المصري بصلصاته وسلطاته وتحبيشاته

جيبتلكم النهارده وصفه مصريه اصيله بيعرفها كل بيت مصري وبيحبها كل صاحب مزاج وكل بيت له طريقته واسلوبه في عمايلها وفي ناس كيفيه تاكل كشري في المطعم اصله طعمه بيقي مختلف

بس ايه ده كشري البيت انضف واوفر وصحي اكتر لان الدراسه اثبتت25% من محال بيع الكشري تقدم وجبة كشري فيهاعلى مادة الألمونيوم ودي ماده خطيره تتراكم في الجسم وبيتسبب في بعض الأمراض مثل الزهايمر والسرطان والفشل الكلوي والتسمم وضعف القدرة الجنسية وهشاشة العظام.والعياذ بالله

لانهم بيطبخوا ويخزنوا الكشري في اواني الومنيوم علشان كده اوعي تخلي جوزك ياكل كشري بره

ويلا بينا هنشوف اسرارالكشري المصري بتحبيشاته وصلصاته ودقته ونعمله في البيت كما يجب ان يكون

التحضير للطبخ

اولا:

ننقي العدس ثم نغسله ثم ننقعه في ماء

و ننقي الحمص ثم نغسله وننقعه في ماء

ننقي الارز

نقشر الثوم

نصيحة للطبخ:

عند طبخ البقوليات، انقعيها لمدة 6-12 ساعة، احرصي على التخلُّص من الماء بعد النقع، واغسليها جيداً قبل الطبخ، فذلك يساعد على تجنُّب النفخة والاضطرابات المعوية التي يعاني منها البعض عند تناول البقوليات.

(يعني تسلقي في ميه جديده غير اللي نقعتي فيها الحمص والعدس)

مقادير الكشري"

2 كوب أرز مصري

1 كوب عدس اسمر (أبو جبه )

كوب مكرونه صغيره واسباجيتى

كوب شعيريه

نصف كوب حمص

1 كوب زيت او اكثرا

3 حبه بصل مقطعه جوانح

مقادير الصلصه

1\2 كيلو طماطم معصوره ومتصفيه

2 ملعقه كبيره صلصله الطماطم

5 فصوص ثوم مفروم

1 ملعقه كسبره ورق لورا مطحون فلفل ابيض

كمون(2 ملعقه صغيره)

1\4 كوب خل

مقادير الدقه

كوب ماء

ملعقه طعام كبيره ثوم مفروم

ملعقه كمون وكسبره

ملعقه خل ابيض

سر قرمشه البصل

نرش قليل من الدقيق على البصل وتقليبه جيدا قبل تحميره حتي يعطي قرمشه ولكن لا يوضع في الزيت الا بعد ان يسخن الزيت جيدا جدا لكي لا يلتصق بالقاع ثم يصفي البصل من الزيت وافرده في طبق علي ورق نشاف لامتصاص الزيت الزائد

(ممكن تضيفي بعض الملح للبصل لزياده القرمشه)

السر التاني:

هوالزيت اللي اتحمر فيه البصل اخد طعم ونكهه البصل علشان كده هستخدمه انكهه بيه اكلتي كلها هحمر بيه الشعريه وهستخدمه في تسويه العدس وكمان هحط منه علي المكرونه ود سر النكهه....... تعالوا نشوف الخطوات

في نفس زيت تحمير البصل احمر الشعريه ثم اضعها في مصفي لتصفيه الزيت(واحتفظ بالزيت علي جنب)

ثم اضعها اناء مع كميه مناسبه من الماء والملح وبعد غليان الماء تقلل النار ويترك - مع التقليب – حتى تنضج.

اسلقى المكرونة فى الماء المغلى كالمعتاد المضاف له قليل من الزيت والملح.

اسلقى الاسباجتى فى اناء والصغيرة فى اناء آخر، أو يمكنك سلقهما معا ولكن ضعى الاسباجتى فى ماء السلق قبل الصغيرةبعده دقائق.

ثم صفيها واشطفيها بالماء وضعيها فى إناء وضعى عليها ملعقتين من زيت تحمير البصل،حتى لاتلتصق ببعضها وتضطرى لغسلها مرة أخرى

في نفس وقت اللي بسلق فيه المكرونه وفي بقيه زيت تحمير البصل اضع العدس المنقوع مع كميه من الماء ويسلق العدس بدون إضافة ملح (لتقليل مده السوي) وتقلل عليه النار جدا عندما ياخذ نصف سوي وفي نفس ماء سلق العدس (بيعطي للكشري لونه المميز المتعارف عليه)بضيف له الملح والفلفل الأسود والكمون ثم يضاف له الارز المغسول واضيف كميه ميه مناسبه للاثنين واغطي عليه اتركهم حتي ينضجوا سويا

اسلق الحمص مع الماء ولا يضاف ملح الا في قرب النضج وبعد النضج يصفي ويغسل

الصلصه:

. يتم عمل الصلصة بوضع الثوم المفروم في الزيت حتى يحمر ثم يضاف الخل فورا ويليه عصير الطماطم والصلصة و. اتركيها تغلى وان وجدتى قوامها كثيف جدا فضيفى لها بعض الماء واتركيها حتى تغلى .

ضعى ملحها ثم تنكه بالكمون والكسبره الجافه وورق اللورا المطحون والفلفل الابيض والشطه الجافه ثم ارفعيها من على النار

سلطه الكشري

سلطة الكشرى تختلف عن أي نوع سلطةفميتها كتيره بالنسبه لبقيه المكونات

قطعى الطماطم مكعبات صغيرة وضيفى عليها الكسبرة الخضراء أما الشطة فهى حسب الرغبة، ممكن نصف ملعقة صغيرة شطة مجففة ، وضيفى الماء والخل والملح

دقه الكمون

ضيفى مكوناتها جميعا ثوم مفروم + كمون + خل + ماء + ملح فى وعاء ثم قلبيها جيدا.أو ضعيهم فى زجاجةاو برطمان،مثل مطاعم الكشرى، ورجيها كويس(انا عملتها اول حاجه علشان تتعتق وتاخد طعم التوم لفتره اطول)

ملحوظه:اذا مكنتيش يتحبي ريحه الثوم وطعمه في الدقه ممكن تقللي من حده طعمه بانك تحميره الاول ثم تضيفي الخل ثم بقيه المكونات

طريقه التقديم:

نضع طبقه من العدس والارز

ثم طبقه من المكرونه الاسباجتي والصغيره

ثم طبقه من الشعريه

ثم طبقه التقليه وحمص الشام علي الوش

وده الشكل النهائي للطبق

او يقدم بهذا الشكل

وده الشكل النهائي للكشري مع الصلصه والدقه وكمان باذنجان مخلل وزيتون مخلل حاجه تفتح النفس

اتفضلوا معانا............................................. .............

.جربوا هيعجبكم قوييييييي

مستنيه رودكم وتجاربكم واكيد اكيد تقيمكم

وياريت تشاركونا اسراركم في عمل الكشري

اشوفكم علي خير

اختكم في الله

وبحبكم في الله

والسلام عليكم ورحمه الله

» أسرار الرز المصري
» قانون المرور المصري
» كل ما يحتاجه المعلم و الاستاذ المصري
» مشاهدة جميع حلقات برنامج يوم في الجنة لمحمود المصري
» كيف تصوم رمضان في اليوم مائة مرة للشيخ محمود المصري