الى كل شاب وشابة تمنوا الموت

الى كل شاب وشابة تمنوا الموت
بغض النظر عن السبب يلي خلكن تتمنو الموت( قصة حب فاشلة..صراع مع الاهل..دراسة...شغل...الخ) والاسباب عديدة
هل يا ترى هادا السبب كفيل بانو يخليك تتطلب الموت ويخليك تتمناه وبعجلة

على فرض انو السبب كان النجاة منو والراحة منو هي الموت...فمين قال انو الموت هو الراحة

هل انت مستعد للموت من كل النواحي...يعني انت لو تمنيت الموت متاكد انو رح يكون الك الموت راحة بكلشي...
بالمشرمحي...انت عامل لربك اعمال يخلي موتك رحمة وقبرك روضة من رياض الجنة

اذا هيك على عيني وبكون تمنيك نعم التمني

انا يمكن حكيي هاد يكون فلسفي شوي...ويمكن اي واحد منكن يقول شبه هو عم ينزل حكم ومواعظ....بس جد كلمة انا بدي موت صاير كتير عم اسمعها ويلي خلاني افتح الموضوع موضوع التعارف يلي فيه سؤال الموت وكانت النتيجة كبيرة نسبيا بالنسبة ليلي تمنو الموت...(مع احترامي لكل الشباب والصبايا)

هادا يعني اخرة الشعب العربي....

بعيدا عن الدين والسياسة والشعب العربي ورضا ربك عنك .....والخ

الم تتخيل عزيزي المتمني اهلك وكل شخص باني امال عليك

ما تخيلت اهلك شو راح يكون بحالهم لما انت تختفي من الدنية اذا تمنيت الموت

انا بظن انو اي انسان بحب وبيعشق امه ابوه اخواته بيتمنى الحياة بس كرمال يسعدهم وما يشوف دمعة بعيونهم

يمكن انا طولت شوي بالحكي واللتن والعجن...بس ياريت يلي يقرا هل موضوع يعرف انو انا ما قصدي لا المنفخة ولا الفلسفة....يعني عن جد هل موضوع لو طرحتو على الشباب والصبايا رح يكون جواب الاغلبية تمني الموت....فياريت كل واحد منا يفكر بالموت بشكل جدي شوي لانه الموت مو لعبة

كمان اكيد ما لازم نشيل فكرة الموت من بالنا لانه الموت حق علينا ولازم نستعد اله بأي يوم و ساعة و لحظة

أن يتمنى أحد الموت ليستريح هو ويشقى أحبته هذه قمة الأنانية
هل يرضى احد ان يقال عنه اناني ؟

أصبت أخي اللبناني وصدقت وكفيت ووفيت
جزاك الله كل خير وسعادة
في الدارين

الى كل شاب وشابة تمنوا الموت 705613